A zawngtu che zawng zawng chu nangmahah chuan hlim tak leh lawm takin awm sela: I chhandamna ngainatute chuan, "LALPA chu chawimawiin awm rawh se," ti fo rawh se. (Sam 40:16)

Thu ka pe che a ni lawm ni? Chak tak leh huai takin awm rawh; hlau suh la, zam hek suh: LALPA i Pathian chu i kalna apiangan i hnenah a awm zel dawn alawm," tiin a sawi a. (Joshua 1:9)

Tupawh a kraws pua mi zui lo chu, ka mi ni tlak a ni lo. (Matthaia 10:38)

Eng dang zawng aiin inhmangaih tawn uar rawh u; hmangaihnain sual tam tak a khuh si thin a. (I Petera 4:8)

Hei hi ama chunga kan huaina chu a ni, engpawh a duhzawng anga kan dil chun anin min ngaihthlaksak thin hi. (I Johana 5:14)

Krista chu nangmahnia a awm si chuan sualna avangin taksa a thi a ni; thlarau erawh chu felna avangin nunna a ni. (Rom 8:10)

Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang. (Matthaia 11:29)

In zingah tunge finga thu hre thei awm? Thuhnuairawlh tak leh fing takin a thiltihte awm dan thatin entir rawh se. (Jakoba 3:13)

Amah ngei chuan thlemna tawkin a lo tuar tawh avangin thlemna tawkte chu a tanpui thei a ni. (Hebrai 2:18)

Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua. (I Timothea 2:5)

LALPA in Pathian lam in hawi leh a, tuna thu ke pêk che u ang hian nangni leh in fate nen in thinlung zawng zawng leh in rilru zawng zawnga a awka in zawm hunah chuan, LALPA in Pathianin hnam tin, zinga a tihdarhna che u ata a hruai khawm leh ang che u. (Deuteronomy 30:2-3)

I awm dan tûr chu LALPA chungah nghat la; Amah chu ring la, aman a ti vek ang. I felzia chu eng angin a chhuahtir ang a, I thiam chanzia pawh chhun lai ang maiin. (Sam 37:5-6)

I van, i kut chhuak te, Thla leh arsi i ruathote khi, ka ngaihtuah chang chuan, Mihring hi eng nge maw a nih a, i hriat reng thin ni? Mihring fapa pawh hi eng nge maw a nih a, i kan thin ni?' ka ti thin. (Sam 8:3-4)

Tin, beram vengtute chuan vantirhkoh hrilh ang ngeia engkim an hmuha an hriat avangin, Pathian chawimawi leh fak chung zelin an kir leh ta a. (Luke 2:20)

Tin, in chhungah an va lut a, a nu Mari hnena naute chu an hmu a, an bawkkhup a, chibai an buk a; tin, an ro bawmte an hawng a, a hnenah chuan lawman – rangkachak te, beraw te, murra te – an pe a. (Matthaia 2:11)

"Vawiinah hian in tan Davida khuaah Chhandamtu a piang ta, Lal Krista chu. Tin, hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang," a ti a. (Luka 2:11-12)

Tin, Lalpa vantirhkoh pakhat an kiangah a lo ding a, Lalpa ropuinain an vel chu a rawn chhun eng a; tichuan an hlau ta em em a. Tin, vantirhkoh chuan an hnenah, "Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. (Luka 2:9-10)

'Nang, Bethlehem, Judai rama mi, Judai khawpuite zingah i te ber tawp lo! I chhung atangin awptu a lo chhuak dawn si a, Ka mi Israelhote vengtu tur chu,’ tih hi, an ti a. (Matthaia 2:6)

In thil zir te, in thil pawm te, in thil hriat te, keimaha in thil hmuh te pawh kha, khang ang kha ti thin ang che u; tichuan Thlamuanna Pathian chuan a awmpui ang che u. (Philippi 4:9)

Thlarau ngei chuan keimahni thlarau nen Pathian fate kan ni tih min hriattir thin; tin, fate kan nih chuan roluahtute kan ni a; Pathian roluahtu, Krista luahpuitute kan ni; a hnena chawimawiin kan awm ve theihna turin amah kan tuarpui tak zet chuan. (Rom 8:16-17)