زى النهاردة من سنة كان عيد ميلاد أبويا ونمت ونسيت أقوله كل سنة وأنت طيب لما الساعة جات ١٢ ، ف بعتلى قالى بقا أنا بعد ما كبرتك وطلعتك بغل قد الدنيا جاى تنسى عيد ميلادى،وزعل منى.. وحالياً أنا قاعد بجهزله أفخم برقية تهنئة عشان أبعتهاله الساعة ١٢ 🏃
بمناسبة النتيجة .. واحد صاحبى الله يمسيه بالخير فى أول سمستر حب يثير الجدل ونزل إنه نجح وقال إنه جابها م الكنترول وهو مكنش لسة جابها .. ولما النتيجة ظهرت لقا نفسه نازل سمر
آخر نايت شيفت روحتها كنت باخد هستورى من ست كبيرة فبسألها بقولها بتشربى سجاير ي حجة بصتلى باستغراب وقالتلى لا أنا أصلا عندى حساسية يبنى .. قمت قايلها يعنى مش بتشيشى كدا وأنتى قاعدة مع نفسك😉 قامت مزعقة وقايلة م خلاص يبنى قولتلك مش بشرب الحاجات دى
واحدة محجبة بسئلها لو بتشرب كحول بانتظام- سؤال اساسي قبل العملية- فا استغربت، كان نفسي اقولها عارفة فيه كام واحدة محجبة قعدت مكانك هنا وكانت بتشرب كحول عادي جدا😀 قولتلها ما تخدش السؤال بشكل شخصي ده سؤال روتيني.