لا تحدَّد وِش يحبَّ القلب فيك، وِش يخلّي أنت عطني من رضاك شوي، والباقي عليَّه!

وأنت يا شرهة معاذيري، وحلِّي، واِرتحالي أعرْفك نجمٍ ما تستوعب مساريه المجرَّة!

ضاقت معك عوْج السنين وتضايقَت: واحتالَت أيَّام الرَّضا، والبشاير وشحّ الكلام وفي ظنونك تعلَّقت: وأنا عشان «أدلّ، وأتيه» حاير أفكّ لك حتى ضلوعي إليَا اشتَقت! وأقطع لك دروب السهَر، والزراير.. مثل القصِيْد إذا اجتمعت، وتفرَّقت: أيَّام، وأحداث، وكلام، وعباير! عسى يداعب وَجْنتك

أنا يا بعد وجهٍ يشوف الوصال: غياب أحبَّك وأحبّ أهلك، وأحبّ أرضك، وماها.

صاحبي لا تَثقَّف الرمح المطنّي وأنت تدري وش جنيت من الصبابة! يوم ردَّوا شرهة العشَّاق عنِّي كنت أرقّ من السماء وأكثر رحابة لو تعرف اللي خذاه الوَقت منّي؟ ما سرَقت إحساسي، وزهرة شبابه ضاع حقّ وغاب وَجه، ولا سكنِّي غير بيتٍ تطرق الأحداث بابه! كيف أسابق خطوتي وأركض، وأثنِّي

تراني لو كتبت من القصايد -يا وَطن- وأسهبْت أحسّ إني إلين اليوم.. عاجز لا أحصي أفضالك!

قديم الهوَى قبل أعتذر للهوى، وأزِلّ خذ الحقّ قبل يضيع مستقبِله، وأجرَه أعرْفِك وأتوْه فـْ كلّ حاجة معك، وأدلّ وأعرف الصباح العذب مِن نَسنسة فجره! يا مِلْح الشعور الصبّ، والجادل المبتلّ إليَا ضعت في غيهبْه، واحتلت مِن عطره.. لا ترتاب! لك خوْفي قصيْدة، وصوتي ظِلّ أنا أخاف قبل

ما زلت أحبَّك والسنين شْهود والناس ما تدري عن الخافي.

حبيب الوَرْد والبيت الحَجر والنور والإحساس وش أحلى مِن قصيدٍ جفّ صوْتي في طوارِيْقه أعرْفك وألمحك بَين الكثير من الصخب والناس وأشوفك في مفاتيح الطريق، وفي مغاليقه! عسى شبَّاك دارك يوم مرَّ الصبح والنسناس ما ينسى طيرٍ إن ضاقت حدوده؛ عاف تحلِيْقه تغارب من سكوتي قبل أقول من

على وَسْق الليَالي ما لقيت من الحقايق عِدَّ أباعد شرهتي والله عليم بـ ْشرهة أصحابي أشوْف إنّ السنين الأوَّله: بَيْن الغضب، والوِدّ مسافاتٍ.. تجدّد خطوتي، وتضيِّق رحَابي! لو إني ما تدارَكتْ المشاعر، والسهر، والجِدّ مضى عمْري وأنا أكسِّر غصوني، وأطرد أسرابي حبيبي أعرِفك..

ما شحَّت الأرض وغصون الهوَى تنمى وِش عاد أبي والسنين تْجدِّد جْروحي أسمى من الحقّ عِذرك في يدي وأسمى من زلَّةٍ قد رِبت في عاتق صْروحي حبيبي النور.. كم مرّ الحياة أسماء قبل أستر الجَرْح في ضحكي وْفـ مزوحي! لا زلت أبِلّ الشعور من الهوَى وأظمأ.. وأبكي على خاطري، وأضحك على روحي

الله! لو عامٍ مضى معك ينعاد.

أسوق القصايد كلها للعيون السود و تجي غيمةٍ ما تمطر إلا على رأسك!

تمثنَى روْض صدري واسترحْ يالخاطِر المرَّار عسى ما يَجذب السُّود الوساع إلَّا مغاتيْري أشدَّ الرِّيح لـْ غصون القصيْد وتستلذّ الدار وأقدِّم لك عباير خاطري.. وأغلى معاذِيْري معي مِنْ وِين ما هبَّت ظنونك فالحياة أسرَار أشوفك بعد زلَّات السنين، وقبل تقصيْري تبَعتِك وأنت تَقدِيْر

ما قتل وَجه الشروق إلَّا مغيبي خلف شبَّاك الهوَى والحقّ صايب أترجَّل، وأنسِج لـْ ضحكتك غيبي والظمأ فيني، وفي عوْص النجايب والله إنْ اللي ورا الأيَّام طيبي.. قبل أعرف إنّك سبب كلّ السبايب كلّ صبحٍ مرّني بعدك -حبيبي-: أثقل من إني أحبَّك.. وأنت غايب!

أعرْفك والبروق تلوح.. وبيوت القصيد: جْياد أحسّ إن المطر في ديرتك والعشب في عيني!

اِضحك، ويضحك لي على شانك الوَقت وأنسى التعب، وأنسى الظمأ، والخساير.

خلِّني قبل ألمح اِسمك، وأتعدَّى مثل من يلمح ورا جِيْدك: سرَابه طالبك لا شحَّ وَقتي.. لا تردَّى لا تعلَّقني على طارف سحابة! قل وش يردّ الجِبل وأنت المعدَّى؟ والقصِيْد، وصفحته، وأوَّل عذابه! كلّ ما في نجد يا الوجه المبدَّى آخذٍ من عينك النجلاء رَحابة.