الله يرحم وآلديني والديكم مريت بيبان المقابر وسلمت لو ما يردون الخبر والتحايا من حالهم ياما شكيت وتعلمت يالله ترحمهم وتقبل دعايا اخفيت مابالقلب مهما تالمت ماعاد يرجع مــن خذته المنايا محمد الجش

واحدن تشري قباله وانت طيّب وواحدن تذبح على فرقاه حاشي لا انشدوني كيف حالك قلت طيب والصحيح الطيب عن دربي امتلاشي

من فوق خده يوم يرفع لثامه تقول مزنٌ دارقه سده الشمس من شاف وجهه عاف لذّة منامه وشلون لو يسمع مع شوفه الهمس

وردتها للقراح و صدرت بي ضما ياكثر وردن تجيه الناس ماترتوي يا وارد العذب لو تطلب مزون السما اسوقها لك من بحور البسيطه نوي

دام راسك حي لا تركع وكب الذله واشكر الله ثم الطيب فرداً فردا كان جاتك من ردي القوم كبر الزله ماهو بحاصل لك الا مثل هاذي واردا

سوالف ٍ واجد وفي صدري كلام لكن تمنعني العوايد والسلوم خايف افضفض ثم يلحقني ملام ويصير همي للعرب مثل الرسوم

لاتذبح محمد وتاقف على قبره ووقت العزا تصف واقف مع معزينه مابين جرح وشبيهه به مغز ابره واللي ابتلى في جروحه ربه يعينه

حنا على الارض لكن الظروف محقا ندف الايام ماندري على اي اتجاه نساير الوقت ما نحسب ظروف الشقا ونتابع أحوال ناسٍ عايشين الحياة

جرب تعيش العمر في عقل صاحي وجرب تعيش العمر بشعور مجنون وجهة نضر من خاطري واقتراحي هذي هي الدنيا متاهات وجنون

شاعر ولو في وادي الهيم زليت ماني لحالي همت مثل اكثر الناس والشعر متمادي وانا به تماديت دايم يراودني ولا هو بوسواس واذا لفى في تالي الليل م امسيت لو ما اجيبه جزل ماجاني نعاس يطلبني اعمر من الفكر كم بيت وانا له اشيد قصورٍ من الماس

من دموعي تذرف دموع عين الرافدين من يسلّف قلبي أفراح و عيوني رقاد في غيابه قمت أغنّي على الطرق الحزين لييين فرّحت العواذل و بكّيت الجمـاد

ياليل وش باقي من الهم ياليل مافيه ضيقه مالفتنا وجتنا ㅤ حنا بشر قبل انتسمئ رياجيل لاكن ترد اوجاعنا مرجلتنا

يكفيك من بوح الفكر حبر الاقلام اليا عسفت الخيل جوّد رسنها

طردت السراب وصافي الجم للوّراد وعسيت هاك الدار والقاع ممطوره وانا قبل اجيها ماني العابر النّشّاد أجيها وهي من سابق الوقت مخبوره

يا بُعد نجد ومسكن الغالي بنجد ما غير نجد اللي ملكـني هـواها هنا الغلا المكتوب والشوق و الوجد و هنا الهنـوف اللي ذبحـني غلاها

لو كل دمعٍ طاح رجع لنا صاح هليت دمعاتي وبيّن حِزنها حياتنا بين الخساير والارباح والعبد دورات الزمن ما ومنها ما كل بارق يتبعه غيث لا لاح وما كل ديرة يرتجى خير منها

اسال العارفين إن كان ماتعرف النوايا مطايا وأرضها وعرة أحسن الظنّ بالمعقول لاتسرف بين حسن النوايا والغباء شعرة

النوايا عن عيون اللي نظر مخفيه والعيون تبين اللي بالصدور مخبّا في ملامحنا يبيّن للعرب ماريه هذا والله جرحنا اللي صدق ماله طبا

انا صديقن للشعر لكن!! للشهره عـدو عندي قناعة نفس لكن مايجي عندي غرور واللي تمعن في بحور الشعر وطبوع البدو اكيد يدري ان الشعر ماخوذ من بحر الشعور كم من غنيٍ لا كتب له بيت في بيته شدو وكم من فقيرٍ لا كتب له بيت خلّوه محظور

الخوف ماهو من عقول المجانين تقرأ على المجنون من سورة الجن الخوف من زلة طليق الحجاجين تحتار وش تبدي من الغيض وتكن

ماغيرها عيونك الثنتين تهزمني هزيمة ٍ ما تلوف القلب بشويّه متى ولو في جميل الحلم تعزمني وأجيك ضيف ٍ وحيد ومخلص النيه