أنتهت المحبه وصرنا بالهوى أغراب مات اللقى الي بقى ـ ذكرى قديمه

يارب ما لي ملجأ من صكَّة الدنيا سواك لو شانت وضاقت علي أضْيق من عيون الإبر الأرض أرضك والسِّماء بأفلاكها العليا سماك والمنكسر لا من دَعى بإسْمك من كسوره جبر يارب أنا عبدك وابن عبدك وراجٍ في عطاك وعبدك ليا ضاقت به الدِّنيا من إلهامك صبر

اللهم إن الأمر أمرك، والخلق خلقك، والقضاء قضاؤك اللهم إني وكلتك وفوضت أمري إليك

نسيتني علمني شلون ابنساك في هالزمن نسيان الاحباب عادي وشلون لامرّت على البال ذكراك وطيفك سرق مني لذيذ الرقادي وشلون لا قالوا لي الناس وش جاك من كنت في غفلة منامك تنادي

ليه اخاف افقدك وانا فاقدك وليه اخاف تكون لغيري وانت لغيري

تغافلتني هواجيسي و انا مادريت إلين حطت بوسط القلب جمرة غضى قمت أتذكر من الماضي بعض ما نسيت و أكثر ما يثر علي فـ الحاضر اللي مضى — خالد مبارك

ذا الليل واضح ليل مسرى وهوجاس من حزنه ومن صمته ومن ظلامه الصبر صار أثقل من الهم وإلياس والنوم صار أبعد من الأبتسامه

تفاهمنا على حسم الأمور وكلنا راضين وتوادعنا ما كنّ قلوبنا خضر وهواويّه Vs ومع هذا عجزت أسجّ و أترك المقفين أغصب القلب لكنّ الغلا .. قدره إلـٰهيه

« مادريت أن ضحكة الوقت خداعة ». —بن جدلان

يوم اجتماع العباير وافتراق الكفوف راحت وخلّت بياضٍ يشابه ظنونها الوقت لو حط في بطن الوصال معروف كان اطمّن عليها واعرف شلونها مرّه ما بين الصور مرّه ما بين الطيوف ما كنت حاسب حساب العمر من دونها يا طاريٍ مرّ وقف من يمرّ ويطوف تمشي خطاويك في بالي على هونها

لو بقى للهيل صبر على فوح الدلالّ مابقى للقلب صبرٍ على شيٍ يجيه كِنت أحسب إن الغلا زال وأثره لا يزال فالحشا ما كنه إلّا دخيلٍ فالوجيه ساقني حَبك على الموت وسنيني هَزال والظروف أقسى من الظلم للعرض النزيه ولا أنا ياوجد حالي وجودٍ مايقال وجد من ضحى بغاليه لرضا والديه

ماني مخالف على حكم الأقدار هذا نصيبي بالدنيا وانا قبلته ما باليد حيله ولا على كيفي اختار لكن حظي … والقدر ما توقعته يالله لا تحملني فوق ظروفي اضرار مابقى هم في حياتي الا حملته

كل ما دخلت البيت ودي اناديه ودي اقول ابوي اليوم وينه ضاق الفضا والبيت ضاقت مبانيه والهم في قلبي حموله دفينه ماغاب زوله عن عيوني وطاريه يمرني وياليت ترجع سنينه والفقد موجع و المشاعر تناجيه وذكراه فقد .. و كلنا فاقدينه

عساني أرتوي شُوفك بجنة عقب طول البُعد وقسايا دمعتي من لهفتي تصافح كفوفك تراني أذرف الدمعه بعد بُعدك بليّا جهد هنيّك يا قبر يالِّلي فقيدي محتضن جوفك عساني مانحرم شوفك بعد ماصابني هالهجد مصيبه بعد طول البُعد عيني تنحرم شوفك

اللهم رحمتك ارجو فلا تكلني الى نفسي طرفة عين واصلح لي شاني كله لا اله الا انت

على ذكرى مسافات الرحيل اللي مشى بي لين وقفت وما لمحت الّا السراب يعانق احداقي مشيت اربع سنين و ما بقى كثر السنين سنين كبرت و ما بقى من رغبة ايّام الصِبا باقي عقب ما لوّحَت كفّ الوداع و راحوا المقفين رجعت و لا معي غير الحنين و دمعة فراقي

ليش توهمني انك تحبني فـ البدايه ! لين صار الوهم عندي وعندك حقيقه قمت تشر لـ قلبٍ بين الاحباب تايه لين حبيتك وحبيت ذيك الطريقه طحت في حبك الجذاب من دون غايه افقد العقل ساعه واسترده دقيقه كل من لامني قلت ادع لي بالهدايه البحر ما يطاوع موجه الا غريقه - خالد بن مبارك

من كثر ماجرحك ملتهب ، توجعك الأغاني والقصايد وحتى مواري الشتاء والهبايب البارده / يوجعك أن هذا الجرح مايهدأ وحتى قصيده عابره تهيّضه .

تمنيت إن السماء صدري والهبوب تهفهفني من كل حدبٍ وصوب. لكن - عيّت على صدري تهب الهبايبّ.

الموت شفته يوم قالوا خطبها صرت أصفق الكفين وأبكي ندامه ياللأسف دنياي قفى طربها من معجزات الكُون أنسى غرامه في جنة الفردوس أبدّل لهبها وألبس ثياب الحب يوم القيامه أموت وأحيا الروح غالي طلبها من فرقته ما شفت نور السّلامه ياويل من مِثلي دموعه سكبها مثل اليتيم اللي على اول فطامه