لما يندمج التصميم مع التراث تطلع لنا هوية تحكي قصة وطن وتاريخ ✨ استلهمنا من الصحراء صبرها، ومن البيوت الطينية دفئها، ومن شمسنا وهجها، وطلعنا بهوية سعودية أصيلة أبهرت العميل تصميم براند سعودي مختص في السبح والخواتم 💛

وطبعا أبدًا ما أنسى أضيف المعالم الوطنية في التصاميم ✨ قد تشوفوه شيء بسيط بس غالباً هو الي يحدد اذا كان تصميمك نسخ ولصق من المواقع ولا شيء خاص وبتفكيرك الخاص

بروفايل لشركة عقارية عريقة في العاصمة رياض ✨ دمج النصوص في عناصر التصميم من أحد أكثر الطرق المطلوبة في التصاميم العقارية الحديثة

في خطأ أشوف مصممين كثير يسونه‼️ الي هو الدمج المبالغ للمنتجات مع الخلفية الي بعض الأحيان يحول التصميم من عرض منتج أو اعلان الى صورة قد تكون جميلة ولكن باهتة لون واحد نمط واحد بدون اي توهج خاص او ظهور للمنتج فـ حاول قد ماتقدر تفتح مساحة خاصة للمنتج للظهور والتوهج زي ماسويت هنا

برأيك وبكل صراحة وش سبب رفض شعارات مثل هذي؟ - الشعار لشركة متخصصة في مواد البناء وراح أشاركم النموذج الي تم تعميده ✨

أشتغلت على تصميم أنفوجرافيك لأبرز الإنجازات السعودية بحلول 2030 🌟 تصميم وزاري صح؟

وبدينا بتصاميم اليوم الوطني 🤍 إستخدام الهوية مع المعالم الوطنية جميلة جداً

تصميم بروفايل إبداعي لشركة إبداعية ✨ التصاميم مو بس تجيب صور حلوة وتركبها على بعض، التصميم هو إنك كيف توصل للهدف بالطريقة وبالشكل الي تبيه، وكيف تبرز الشركات والجهات بين الكثير والكثير من المنافسين، الابراز والتألق لا يمكن تحصل عليه إلا عن طريق التفرد فقط

مايحتاج تجيب شخص ومعاه مصور وطاقم عمل وتستأجرو فلة وطبعًا كم صحن كبسة ومندي عشان تطلع بإعلان إحترافي ومتقن كل شيء صار سهل تواصل ع الخاص وامورك تمام ✅

كم حساب تجاري مهمل في إكس؟ تصاميم قديمة، محتوى عشوائي، تفاعل ضعيف، ومتابعين ما يزيدون. 📦 عشان كذا جهزنا بكج كامل فيه: 12 تصميم جذاب✨ كتابة محتوى لكل تصميم✨ إدارة للحساب✨ دعم وتسويق لزيادة التفاعل✨ نحول حسابك من مهجور إلى حساب ينبض بالحياة نرتّب، نصمم، نكتب، ننجح.

شعار "سلّتي المثالية" جاي من فكرة بسيطة وواضحة: سلة تسوّق مرتبطة باسم البراند بشكل مباشر. استخدمنا اللون الأحمر لأنه يعطي إحساس بالحيوية ويشد الانتباه، وكمان مرتبط بالأكل والطعام. واللون الأخضر يرمز للطزاجة والصحة، خصوصاً للخضار والفواكه. هوية مختلفة وسهلة الحفظ ✨

هكذا ستبدو على أرض الواقع 🤍

عدنا لتصميم البروفايلات ✨ والبوابة كانت عن طريق وكالة إبداعية (إبداعية بمعنى الكلمة) والوان هويتهم الجميلة أول دليل على إحترافيتهم ودرجة لون الأخضر الفاتح كان لافت بشكل واضح جداً 🔥 بشاركم الصفحات الي استخدمت فيها اللون الأخضر ..

متجر سلة كامل متكامل من إبتكار الشعار إلى إستلام أول طلبية في المتجر ✨ فرصة تحصل على متجرك الخاص وتبدأ تجارتك الشخصية بواجهة إحترافية - فقط فكر بأسم معين عاجبك وأستخرج وثيقة العمل الحر وبس بنتابع معك من تسجيل الحساب على سلة وإضافة البنوك وقراءة المنتجات وإضافتها وإلى آخره

التصميم يخص المجال الغذاء الصحي صح؟ غالباً بتقول صح... وبكذا حققنا أهم معيار من معايير نجاح التصميم وهو أنك تتعرف على مجال ومعنى التصميم من النظرة الأولى ✅ تصميم ملف حملة للوجبات الصحية لأحد الوكالات الإبداعية

الألوان حكاية... 🤍

في كل زاوية من زواية الشعار بتحصل معاني ودلالات أعمق ✨ شعار لمستوصف تجميل في الرياض حبو يطورو من شعارهم وهويتهم وشاء الله ان يجمعهم القدر مع الأسطورة يوسف 😂 وهكذا كانت النتيجة : شعار أنيق بسيط وبنفس الوقت يحمل الكثير من المعاني

الشعار الاحترافي والبسيط هو أول رسالة بصرية توصل للناس وتحدد من أنت ✨ وكل ما كان مصمم بشكل ذكي وبأسلوب بسيط، رسّخ هوية مشروعك في الأذهان، وخلق انطباع جاد وموثوق يخلي العميل يحترم مشروعك من أول نظرة. شعار جهة متخصصة في التقنية

تدري ليش لازم تشارك التهاني مع عملائك؟ لانها تعطي طابع إنساني للحساب وتخلي الناس تحس إن ورا البراند ناس تهتم وتشاركهم أفراحهم هالشي يقوي العلاقة مع العملاء ويزيد تفاعلهم، خصوصًا لو التهنئة جت بطريقة لطيفة وتشبه هوية البراند ✨

تعالو أقول لكم سر مهم في تصميم البروفايلات👀 80% من جمال الملف يكمن في تصميم الغلاف، ومرات أكثر فـ عشان كذا حاول تعطيه نفس النسبة من جهدك وأبداعك وقت ماتصمم، وبرضو هو الأساس الي بتكمل عليه باقي الملف من الوان وأنماط غلاف ملف مشروع أشتغلت عليه الفترة الأخيرة بكل شغف وحماس ✨

تصميم إعلانات سوشل ميديا ✨ دمج الهوية مع التصاميم تنقل الاعمال من مستوى إلى آخر إحترافي وعصري