ست الشاي دافعت عني دفاع امهات قسم بالله
كبت لي شاي وقالت للرباطة دي ما كانت معاهم و هدا شايها طالباه
و مديت ليها القروش وبقيت بشرب في الشاي..
وانا من جوة سايحة قسم بالله😂
وانا قاعدة جمبها رجعت لي القروش بالجابس و غمزت لي وقالت لي : ليهم يوم
الجدير بالذكر
انه في رباطي ودحرام كان بكورك و مصر يرفعني انا و الجمبي
والمعاه كان بتكلم معانا براحة و ما قل ادبو زي داك
و في النهاية قال لي " البت الصغيرة .. ظاهرة كنداكة .. عليك الله امشي لينا من هنا"
و بعد جملته دي انا عملت بن علي هرب
ود الحرام ده زاته
قال لينا انتو لما تطلعو خليكم قدر الطلوع ده و ما تجو تعملو لينا حركات
كان نفسي اقول ليه نحن قدره والله لكن بس اهلنا ما عارفين عشان كده بنتكبكب يا حيوان
لكن طبعا نكرت حطب اني متظاهرة 😂
@Fofy_911
اسمعي اول حاجه التحيه لي اي ست شاي وانا الربتني ورضعتني ست شاي..ماالوادتني بس امي.... وحمد لله ع السلامه...
ثاني شي معليش المصنع البتصنع الكبايات دي اسمو شنو بتلقي اسمو تحت الكبايه ؟ للأهميه المعزره