بعد شهرين تقريبًا الحبوب بوجهي أختفت نوعًا ما بشرتي طلع فيها نظاره مو طبيعيه (هايلايتر طبيعي 😂) + الجفاف صار يذبح و أنفي من قوة الجفاف يرعف بشكل يومي و احيانًا مرتين باليوم الله يعزكم ( ملاحظه أنا عندي وراثة رعاف الأنف الله يكرمكم فيمكن هذا اللي زاد )

و استمر الجفاف و الرعاف لحد ما خلصت بس والله صارت بشرتي تجنن تجننن تجننن ومو بس بشرتي حتى جسمي صار قطعه وحده الحمدلله يارب و أنفي صغر لدرجة وحده من الأقارب شافتني وقالت وين مسويته 😂😂 صدق الحمدلله يارب من أفضل الاشياء اللي سويتها بحياتي

و ما أنسى فضل دكتوري الله يجزاه خير كان أمين مره يعني تخيلوا بعد أول شهر حللت قال خلاص بعد شهرين تعالي حللي مره وحده و صرت كل شهرين مره و صدق كان يشرح من قلب و يطلع جواله و يطلع صور و يدخل على مواقع للكريمات عشان ما اشتري من الصيدليه يقول انها غاليه أطلبي من برا

رغم انه لو اشتري من اسمه بيزيد هذا الشيء له لانه مستشفى خاص + التحاليل كل شهرين يقول لانها غاليه و يقول أفضل سويها بعياده بس أنا رفضت لاني ما أثق الصراحه

و من كثر ماهو أمين مره كنت رايحه المختبر احلل و طلب تحاليل الروكتان و الموظف حط لي تحاليل أضافيه وأنا ما ادري المهم انه لما راجعت قال انه حاط لك تحاليل كذا و كذا و كذا أنتي طالبتها قلت لا المهم كتب ليدالتحاليل بورقه و قال هذي اللي تحتاجينها لا يلعبون عليك و صدق يا حلوووه

احس كثرت حكي بس لازم احكي كل شيء بالتفاصيل😅 الحين بحط المنتجات اللي استخدمتها و فادتني مره

هذول الكريمين أفضل كريمين للجسم ناسبوا جسمي مره و جربت سيتافيل و ڤازلين الوردي بس ما ناسبوا جسمي و تحسسوا منه كيو في من كثر ما ارتاح له جسمي احس ودي أشربه 🌚 صدق يجنن و للحين مسمره عليه

نجي للوجه جربت ألف مليون كريم ما بقى كريم بالصيدليه ما جربته بس وجهي دلوع ما يعجبه العجب كل شيء يتحسس منه الشيء اللي ناسبني هذا حق الاطفال فقط حتى حق البشره الحساسه جربته بس تحسست منه هههه

الغسولات جربت حق سباميد ما ناسبني ناسبني هذا فقط و ترا يجنن يرطب مره يخلي البشره ناعمه

واقي الشمس بمرحلة الروكتان مره مهم لان وقت ما تستخدمون الروكتان مكان الحبه اللي تروح يصير ودردي اذا تعرضوا للشمس بدون واقي بيقلب بني فلاااااااازم واقي شمس و هذا أفضل واقي شمس جربته بحياتي صدق يجنن ما يخلي طبقه البيضاء الكريهه و تمتصه البشره وما يخليها دهنيه روووعه صدق تعبت امدحه

في وقت ما أنا أستخدم الروكتان طلعت لي أكزيما بيدي و الدكتور صرف لي هالكريم أحطه على المكان ثلاث مرات باليوم يومين و تختفي سحر سحر

أنا من الناس اللي وجيههم تحمر بسرعه و على اي شيء و مع الروكتان زاد هالشيء عندي صار وجهي يقلب احمر بدون سبب و يسبب لي احراجات فصرف لي الدكتور هذا الكريم و نفع معي مره و للحن استخدمه و صار خلاص ما يحمر الا و فيه سبب سو اللي تعاني أنصحها فيه من قلب

و بالنسبه للبنات اللي حابين يبدون الكورس نصيحه روحي شيكي على المبايض قبل لاني فيه كثير يبدون و يخلصون و الحبوب لسه موجوده و يصير السبب من المبايض اذا تأكدتي انها سليمه و ابدي

تقريبًا كذا غطيت كل شيء باذن الله اي سؤال عادي استقبل و من قلبي اي احد يعاني يجرب الروكتان والله سحررر سحررر وما فيه شيء يخوف هو صح انه بثر و تحاليل و موعيد و الم و جفاف بس النتيجه تستحق كل هذا والله ودي اوريكم بشرتي قبل و الحين فرررررررق يجنن صدق وأنا لسه ما بديت بكورس التقشير